Një 76 vjeçare nga komuna e Prizrenit ndërroi jetë sot prej koronavirusit, duke e çuar kështu në 33 numrin e jetëve të humbura nga kjo sëmundje në Kosovë. Edhe në këtë rast, siç sqaruan autoritetet shëndetësore atje, pacientja kishte dhe sëmundje të tjera shoqëruese. Përmes një njoftimi në Facebook,QKUK-ja njoftoi se në Klinikën Infektive janë të shtruar 40 vetë me Covid 19, 12 prej të cilëve janë të intubuar. Në gjendje kritike për jetën mësohet të jetë të paktën një paciente. Numri i përgjithshëm i të infektuarve me koronavirus në Kosovë ka arritur në 1,437. Një ditë më parë, Maqedonia e Veriut shënoi shufra rekord vdekjesh dhe të infektuarish. Ministria e Shëndetësisë njoftoi për 8 jetë të humbura dhe 196 të infektuar me koronavirusin e ri në 24 orë.