Qeveria italiane ka miratuar planin për të pajisur koloseumin e lashtë të Romës me një dysheme të re, duke i dhënë vizitorëve shansin të qëndrojnë atje ku dikur gladiatorët luftonin. Ministri i kulturës, Dario Franceschini njoftoi projektin për të ndërtuar një dysheme të drunjtë, të dielën. Inxhinierë italianë nga kompania milaneze Ingengneria fitoi kontratën 18.5 milionë euro për të dizajnuar dyshemenë. Ajo pritet të përfundojë në 2023-shin. Aktualisht, monumenti 2 mijë vjecar nuk ka një dysheme. Ajo u hoq nga arkeologët në shekullin e 19, duke ekspozuar rrjetin nëntokësor të tuneleve ku gladiatorët dhe kafshët mbaheshin para se të fillonte sporti i preferuar i romakëve. Franceskini tha se dyshemeja e re e jashtëzakonshme do ti lejonte vizitorët të shihin madhështinë e koloseumit nga qendra e tij. Ministri madje edhe tha se evente kulturore mund të zhvillohen në Koloseum, pasi dyshemeja të restaurohet duke u rikthyer në lavdinë e saj të dikurshme. Koloseumi ishte amfiteatri më i madh në perandorinë romane. Luftimet e gladiatorëve dhe spektakle të reja mbaheshin para turmave prej të paktën 50 mijë personash. Ndërsa pandemia e koronavirusit ka kufizuar numrin e turistëve, koloseumi mbetet monumenti më i famshëm i Italisë. Para pandemisë, ai tërhiqte rreth 7.6 milionë vizitorë.