Tre shqiptarë janë arrestuar në Itali për trafikim lëndësh narkotike. Mediat italiane bëjnë me dije se karabinierët e Compagnia di Osimo, në Itali kanë arrestuar dy burra 44 dhe 38 vjeç si dhe një 25 vjeçare. Mësohet se teksa autoritetet policore po mbikëqyrnin siuatën në Fornaci di Castelfidardo, kanë konstatuar lëvizjet e dyshimta të një burri dhe një gruaje, të cilët ndodheshin në parkingun e supermarketit. Sipas uniformave blu, shqiptari merrte diçka në bagazhin e makinës dhe ja kalonte me ngut 25 vjeçares duke i marrë më pas edhe pagesën. Ky veprim i ka tërhequr vëmendjen policisë, i cili më pas u përsërit me një tjetër shtetas që mbërriti në parkingun e supermarketit. Nga kontrollet e policisë së shtetit, në automjetet e shqiptarëve u konstatuan dhe sekuestruan lëndë narkotike nga makina e shqiptarit. U konstatua se i ishin shitur 35 gramë kokainë 25 vjeçares dhe më pas edhe disa gramë të tjera kokainë shqiptarit, 38 vjeçar.