Ish kryeministri italian dhe manjati miliarder i medias, Silvio berluskoni, është shtruar sërish në spital për disa teste – konfirmoi zëdhënësi i tij të premten. Berluskoni ka hyrë dhe ka dalë nga spitali gjatë gjithë vitit për shkak të komplikimeve të lidhura me një infeksion me koronavirus që e detyroi të qëndronte nën kujdesin e mjekëve për 11 ditë, shtatorin e kaluar. Ish kryeministri ka dominuar jetën publike në itali për dekada dhe mbetet anëtar i parlamentit evropian nga radhët e partisë së tij Forza Italia. Por, ai është përballur me një seri problemesh shëndetësore vitet e fundit, mes të cilëve edhe një ndërhyrje kirurgjikale në zemër në 2016-ën. Shtrimi në spital ishte i nevojshëm për një vlerësim klinik të plotë – tha zëdhënësi i tij pasi mediat raportuan se 84 vjecari ishte shtruar në spitalin San Raffaele në Milano, të enjten në mbrëmje. Ish pronari i klubit sportiv Milan, që e ngriti pasurinë e tij mediatike në vitet 1960, hyri në politikë në 1994 dhe ka shërbyer për tre mandate të ndara si kryeministër italian. Ai është përfshirë edhe në një numër hetimesh gjatë karrierës së tij dhe është dënuar për mashtrim me taksat, por është akuzuar edhe për shumë krime të tjera, përfshirë ryshfetin, abuzimin me detyrën e madje edhe prostitucion minorenësh...Pavarësisht gjithë kësaj, berluskoni u zgjodh në parlament në 2019-ën, duke e zgjatur akoma më shumë karrierën e tij disa dekadëshe në politikë.