Irani ka kërcënuar të godasë Fort McNair, bazën e fortifikuar ushtarake në kryeqytetin e SHBA dhe zv/shefin e shtabit të Ushtrisë, thanë dy zyrtarë të lartë të inteligjencës amerikane, të cituar nga Associated Press.. Sipas tyre, komunikimet e përgjuara nga Agjencia e Sigurisë Kombëtare në janar treguan se Garda Revolucionare e Iranit ka diskutuar rritjen e sulmeve të stilit “ USS Cole", luftanija amerikane që u shënjestrua nga një sulm kamikaz I grupit terrorist të Al Kaedës tetorin e vitit 2000 në portin e Adenit, në Jemen, ku humbën jetën 17 marinsë. Shërbimet e inteligjencës kanë zbuluar gjithashtu kërcënime për të vrarë gjeneralin Joseph M. Martin dhe planet për të infiltruar dhe mbikëqyrur instalimin, sipas zyrtarëve, të cilët nuk ishin të autorizuar të diskutonin publikisht çështjet e sigurisë kombëtare dhe folën në kushte anonimati. Posta e Ushtrisë, një nga më të vjetrat në vend, është rezidenca zyrtare e Martinit. Këto kërcënime duket janë njëra prej arsyeve përse ushtria amerikane është duke përforcuar sigurinë rreth Fort McNair. Biseda e përgjuar ishte mes anëtarevë të forcës elitë iraniane Quds, dhe synonte shpagimin e vrasjes s ëish liderit të vet, gjeneralit Qassem Soleimani në Bagdad janarin e vitit 2020 nga forcat amerikane.