Pas lajmit shokues se ushtria amerikane ka braktisur qentë e saj në Aeroportin e Kabulit, menjëhërë ka ardhur reagimi nga Pentagoni. Me anë të një psotimi në rrjetin social Tëitter, zëdhënësi John Kirby, tha se raportimet nuk janë të sakta dhe se ushtria amerikane pas tërheqjes së forcave të saj nuk e ka bërë një gjë të tillë. Ai shtoi se fotografitë që kanë qarkulluar në mediat sociale tregonin disa qen në një strehimore afgane të kafshëve, por ata nuk ishin nën përgjegjësinë e ushtrisë amerikane. Më herët Grupi i të drejtave të kafshëve PETA deklaroi se 60 qen që shërbenin për nuhatjen e bombave dhe një numër i ngjashëm i qenve tjerë ishin lënë të braktisur dhe se ata po vuanin nga nxehtësia dhe mungesa e qasjes në ushqim ose ujë.