Kancelarja gjermane Angela Merkel ka mbrojtur vendimin e BE për të prokuruar bashkarisht vaksinat në një kohë kur blloku stërmundohet me vonesa në shpërndarje. Presioni po rritet mbi vendet e BE në një kohë kur vende të tjera, si Britania, kanë siguruar fushata shumë më të shpejta vaksinimi. Komisioni evropian po tenton të shtojë kontrollet mbi eksportet e vaksinave, por kontrolle të tilla do të preknin furnizimet për Britaninë e Madhe ku kryeministri Boris Johnson ka paralajmëruar kundër vendosjes së bllokadave. Nërkohë, duke folur para deputetëve gjermanë, Kancelarja Merkel tha se nëse disa anëtarë të BE do të merrnin vaksina dhe disa të tjerë jo, kjo do të trondiste tregun e brenshëm të BE në zemrën e tij. Por, disa shtete të BE, të udhëhequr nga Austria, po kërkojnë një rishikim të shpërndarjes, pasi kanë dështuar të sigurojnë doza të mjaftueshme. Merkel ndërkohë paralajmëroi se pasojat e pandemisë do të ndjeheshin edhe përtej këtij viti. Ne duhet të kemi parasysh se virusi, bashkë me mutacionet e tij, do të rëndojë mbi ne për një kohë të gjatë në të ardhmen dhe problemet do të na shoqërojnë edhe përtej këtij viti BE tha ajo, është detyruar të sigurojë aq vaksina sa ka mundur sepse fabrikat britanike kanë prodhuar për britaninë dhe SHBA nuk po eksporton. Në të njëjtën kohë, duhet bërë akoma më shumë për të siguruar pjesën tjetër të botës që do të furnizohet me vaksina, përndryshe mutacione të reja do të vazhdojnë të shfaqen, tha Merkel.