Komisioni evropian do të kërkojë kontrolle më të ashpra për eksportet e vaksinave anti covid pasi akuzoi kompaninë britaniko-suedeze AztraZeneca se po dështon ti përmbahet kontratës së saj për të furnizuar vendet e bllokut. Propozimi, që do të dalë para liderëve të BE të enjten, nuk flet për një ndalim total por sidoqoftë duhet të ndezë tensionet me britaninë e madhe. Sipas planeve, cdo ngarkesë me vaksina duhet të vlerësohet mbi bazën e shkallës së vaksinimeve në vend dhe eksportet e vaksinës. Ndërkohë, me miliona doza të astrazenecas janë gjetur ndërkohë në Itali. La stampa shkruan se rreth 29 milionë doza vaksine që duhej të transportoheshin drejt britanisë së madhe po mbahen në impiantin Catalent në Anagni, afër Romës por u zbuluan nga inspektorët italianë si pjesë e një hetimi nga komisioni evropian. e pyetur nga BBC për raportin, ministria e jashtme në romë dhe zyra e kryeministrit refuzuan të bënin komente. Fabrika Catalent ka një kontratë me astrazeneca-n për vakjsinat e saj dhe pritet të bëjë të njëjtën gjë edhe me vaksinën e johnson & Johnson, që është miratuar për përdorim në BE. Zbulimi i raportuar vjen disa javë pasi qeveria italiane bllokoi eksportin e 250 mijë dozave të oxfordit dhe astrazeneca-s drejt australisë, si pjesë e rregullores së re evropiane që lejon ndalimin e ngarkesave nëse nj kompani rezulton se ka dështuar të plotësojë angazhimet e marra para 27 vendeve anëtare të bllokut. Propozimi më i fundit, shkon përtej rregullores së janarit dhe vjen në një kohë kur vendet e BE po përpiqen të intensifikojnë fushatën e vaksinimit, pas një nisjeje të ngadaltë, për të cilën është fajësuar furnizimi i vonuar me dozat e astrazeneca-s si edhe kontrollet e sigurisë.