Përveç luftës së Rusisë në Ukrainë, BE duhet të merret tani edhe me tensionet e rindezura së fundmi mes Kosovës e Serbisë, vende këto aspirante për anëtarësim në bllok. Josep Borrell, një politikan i qetë dhe i matur, merret me të gjitha konfliktet e mundshme në Evropë por ndërsa disa gjëra mund t’i arrijë, disa të tjera jo...E ndërkohë që lufta e Rusisë në Ukrainë ka shkaktuar jo pak dhimbje koke, e rëndësishme ëhstë për BE-në që të ruajë qetësinë dhe rendin edhe në shtëpinë e vet, në Evropë. Pas mbledhjes së gjatë të ministrave të jashtëm të bllokut, që u mbyll në orët e vona të së hënës, kryediplomatit evropian mund ti lexohej zhgënjimi në fytyrë ndërsa fliste për dy vendet që aspirojnë anëtarësim në BE, Kosovën dhe Serbinë. "Ne nuk jemi më të gatshëm ta pranojmë këtë. Kjo situatë duhet të marrë fund", tërhoqi vëmendjen Borrell me një zë të prerë duke e përmbajtur indinjatën para mikrofonëve në sallë. Për më tepër, serbët e veriut të Kosovës kanë sulmuar edhe një automjet të EULEXIT, misionit të vetë BE-së atje, që prej 14 vitesh ka vendosur në rajon me qindra juristë, gjyqtarë e policë në përpjekje për të ndihmuar në ndërtimin e shtetit ligjor në Kosovën që nuk njihet nga Serbia si shtet i pavarur. Diplomatët në bruksel thonë se duhet mirëkuptim për zhgënjimin e Borrellit, pasi vetëm pak kohë më parë ai u angazhua fort në zgjidhjen e mosmarrëveshjes mes serbisë dhe kosovës për targat. Por paqja nuk zgjati shumë. Tani Borrell fton palët të kthehen në bisedime. 27 miniatrat e jashtëm të BE-së miratuan propozimin për ndërmjetësim, ende jo të publikuar me detaje për zgjidhjen përfundimtare të cështjes së Kosovës, të njohur si plani franko-gjerman. Për këtë plan, i ngarkuari i posacëm i BE-së për Kosovën, do të negociojë të mërkurën në Beograd dhe Prishtinë. Dhe borrell, pret një përgjigje përpara mbylljes së samitit të BE-së, të enjten.