Ambasadorët e Bashkimit Evropian kanë miratuar vendimin për të ndaluar fluturimet e Bjellorusisë mbi territorin e Bashkimit Evropian, thonë burimet zyrtare. Përmes kësaj mase ndalohet gjithashtu edhe ulja në aeroportet e BE-së. BE-ja po e ndëshkon Bjellorusinë për shkak se autoritetet e këtij vendi më 23 maj devijuan dhe e detyruan të ulet në Minsk një aeroplan që udhëtonte nga Greqia për në Lituani. Pasi uljes së detyruar në Minsk, ata arrestuan gazetarin dhe aktivistin e opozitës Roman Pratasevich dhe të dashurën e tij. Vendimi i Bashkimit Evropian pritet të hyjë në fuqi në mesnatën e 5 qershorit. Bashkimi Evropian gjithashtu u rekomandoi, pa detyrim, linjave ajrore të vendeve anëtare që të shmangin fluturimet mbi Bjellorusinë. Kompania ajrore kombëtare bjelloruse ‘Belavia’ ka fluturime midis Bjellorusisë dhe rreth 20 aeroporteve në Evropë duke përfshirë ato të Helsinkit, Amsterdamit, Milanos, Varshavës, Frankfurtit, Berlinit, Mynihut, Parisit, Romës dhe Vjenës. Pamjet: AFP