Zevendespresidentja e zgjedhur Kamala Harris pritet të hyjë në historinë e Shteteve të Bashkuara si gruaja e parë që merr këtë pozitë. Kjo nënkupton se bashkwshorti i Doug Emhoff, do të bëhet “zotëria I dyte“, i pari burrë që merr këtë epitet në Shtëpinë e Bardhë.Bashkëshorti i nënpresidentes së zgjedhur do të hyjë në histori, duke u bërë i pari bashkëshort, që do të njihet si “zotëria i dytë” në Shtëpinë e Bardhë. Ky është hap i madh drejt arritjes së barazisë gjinore, thotë Sarah Rowley nga Universiteti DePaw, ndërsa tregon se mbetet ende shumë për t’u bërë.“Kjo pasqyron arritjet pas sfidash prej disa dekadash në rolet gjinore. Por gjithashtu tregon se sa larg duhet të shkojmë ende për të arritur barazi gjinore duke pasur parasysh faktin se kjo është hera e parë që kemi këtë situatë - 232 vite pas zgjedhjeve të para presidenciale, 100 vjet pas amendamentit të 19-të dhe 36 vjet pas hyrjes së një gruaje në një parti të madhe dhe në dyshen për president dhe nënpresident”, tha Rowley. Emhoff vjen me shumë risi thotë Matthew Schmidt nga Universiteti New Haven.“Zoti Emhoff po e lë punën, gjë që e kanë bërë të gjitha zonjat e para dhe të dyta. Mendoj se është me rëndësi që Jill Biden nuk po e lë punën. Emhoff nuk është i krishter. Ai është një hebre dhe kjo është diçka e re. “ thotë Schmidt, I cituar nga VOA. Harris dhe zoti Emhoff u takuan në 2013 dhe u martuan pas një viti. Kjo është martesa e parë e Harris dhe e dyta për Emhoff.