Bashkëpunëtorët e Aleksei Navalnyt kanë dhënë alarmin e thonë se shëndeti i tij është përkeqësuar ndjeshëm. Ata druhen se jeta e kritikut të Kremlinit është sërish në rrezik. Vendndodhja e liderit opozitar është "e panjohur" e madje as avokatët e tij nuk janë lejuar ta takonin në 24 mars, pavaraësisht se kjo ishte planifikuar përpara."Jemi të shqetësuar për përkeqësimin e shpejtë të gjendjes së tij shëndetësore ", shkroi Maria Pevchikh, shefja e hetimeve në Fondacionin Kundër Korrupsionit të Navalnyt. Ai vetë e pohoi përpara disa ditësh se po e dërgonin në një burg në qytetin Pokrov, të cilin më shumë e përshkruan si “një kamp përqendrimi”. Burgu IK-2 është një nga institucionet më famëkeqe të Rusisë me një regjim shumë të rreptë.“Ne druhemi se Navalny është transferuar ndoshta në spitalin e burgut dhe administrata po përpiqet ta fshehë këtë. Kemi frikë për jetën e tij dhe kërkojmë qasje të menjëhershme për avokatët”, tha Pevchikh. 44 vjevari u arrestua në Moskë në janar, menjëherë pas kthimit nga Gjermania ku falë trajtimit të kujdesshëm mjekësor, arriti të dilte nga gjendja e komës e t`i mbijetonte sulmit me agjentin nervor Noviçok.Navalny akuzon Vladimir Putinin si njeriu që urdhëroi sulmin ndaj tij, por Kremlini mohon cdo perfshirje.