Kreu u grupit parlamentar të Partisë Socialiste, Taulant Balla mbajti një tekim të zgjeruar me banorë të fshatrave Krutje dhe Bubullimë të Lushnjës ku kërkoi mbështetjen për një tjetër mandat për kryetaren aktuale të bashkisë, Eriselda Sefën. Nën cilësinë e kryetarit të qarkut Fier, Balla tha se është krenar për punën e bërë nga Sefa gjatë periudhës në krye të bashkisë së Lushnjës dhe kërkoi mbështetje për të çuar përpara të tjera projekte për qytetin dhe fshatrat përreth. Balla nuk ngurroi të “thumbojë” edhe rivalët politikë, duke u kujtuar demokratëve se gjysma e emrave për këshillin e bashkisë, janë të Ilir Metës dhe nuk duhet të votojnë për ta. Bashkë me Ballën dhe kryetaren e bashkisë Eriselda Sefa, në turin elektoral në fshatrat e Lushnjës, ishte edhe deputeti socialist Erjon Braçe.