Oficeri Eric Talley ishte I pari që iu përgjigj thirrjes për të shtëna masive në një supermarket të Kolorados, në Shtetet e Bashkuara e aty gjeti vdekjen. Kolegët e policit, baba të shtatë fëmijëve, e përshkruan atë si një “hero`. Pjesëtari I departamentit të policisë së Boulder, ishte njeri prej 10 personave të qëlluar për vdekje në dyqanin King Soopers. Zyrtarët ende nuk I kanë bërë publikë emrat e viktimave të tjera. “ Eric e donte familjen e tij më shumë se cdo gje tjetër” tha I ati I policit, Homer Talley për CNN. Homer rrefeu se I biri ishte bashkuar me forcat e policisë në moshën 40 vjecare. “ Nuk cuditem aspak që mberriti I pari ne vendngjarje”, shprehet ai. Babai shton se I biri së fundi po shikonte mundësitë për të punuar si operator dronësh, sepse mendonte që ajo ishte më e sigurtë si punë. Taller është efektivi I parë I departamentit të policisë së Boulder që vritet në krye të detyrës që prej vitit 1994, dhe I gjashti që vdes në këto rrethana në të gjithë historinë e këtij departamenti. Autoritetet në Boulder ngritën ndaj një 21 vjeçari të dyshuar akuza për vrasje të shkallës së parë me paramendim, për ngjarjen e së hënës ku mbetën të vrarë 10 vetë, mes tyre edhe një oficer policie. Autoritetet e identifikuan të dyshuarin me emrin Ahmad Al Aliwi Alissa dhe thanë se ai ishte plagosur në këmbë nga shkëmbimi i zjarrit me policinë. Shefja e policisë së qytetit tha se viktimat e vrasjeve në një supermarket të qytetit ishin të moshave nga 20 në 65 vjeç dhe janë identifikuar. Motivi i vrasjeve është ende i paqartë.