Një avion nga katari në të cilin ndodhej një ekip teknik, u ul në aeroportin e kabulit të mërkurën, i pari që kur evakuimet e perëndimorëve u ndalën, mbrëmjen e të hënës. Avioni solli ekspertë që do të ndihmojnë talebanët të rihapin dhe menaxhojnë aeroportin, tha një burim, për të lejuar fluturimet e evakuimit të rifillojnë dhe sjelljen e ndihmave në vend. Katari dërgoi ekspertët e tij pas një kërkese nga talebanët, shtoi burimi, por asnjë marrëveshje përfundimtare nuk është arritur për llojin e ndihmës që ata mund të ofrojnë. Kjo vjen në mesin e një krize humanitare në afganistan që ka parë me mijëra njerëz tu drejtohen kufijve tokësorë në mesin e dyshimeve se talebanët do ta mbajnë fjalën dhe do të lejojnë ata me dokumenta udhëtimi perëndimorë të largohen pasi fluturimet të rifillojnë. Më shumë se 123 mijë shtetas të huaj dhe afganë u larguan nga vendi në operacionin frenetik të evakuimit që përfundoi mbrëmjen e të hënës, por edhe shumë të tjerë janë të dëshpëruar të largohen. Qindra prej tyre mendohet se janë qytetarë perëndimorë që u lanë pas në nxitim e sipër ndërsa dhjetëra e mijëra afganëve të tjerë u ishte premtuar shpëtim në këmbim të ndihmës për SHBA, Britaninë dhe forcave të NATO-s.