Policia e Majorkës arrestoi 12 pasagjerë dhe është në kërkim të 12 të tjerëve, që u larguan nga një avion gjatë një uljeje emergjence në një incident të paprecedenttë që me gjasë lidhet me emigracionin e paligjshëm. Eksodi i paautorizuar erdhi pasi një pasagjer me sa duket u sëmur në një fluturim nga Maroku në Turqi dhe avioni u detyrua të bënte ulje emergjence në Palma de Mallorca, një nga aeroportet më të frekuentuar të spanjës. 12 persona janë arrestuar dhe 12 të tjerë janë në kërkim – thanë zyrtarët. Evente të tilla nuk janë regjistruar asnjëherë më parë në asnjë aeroport të spanjës – theksuan ata. Policia tha më herët se një pasagjer dukej se kishte pësuar një koma diabetike dhe u dërgua në spital me ambulancë, por kur arriti atje, ishte mirë dhe u la i lirë. Ai u arrestua nën dyshimet për inkurajim të emigracionit ilegal dhe dhunim të ligjit spanjoll të emigracionit – thuhej në një deklaratë të policisë.