Italia ka autorizuar dyfishimin e avionëve të saj Eurofighter në shërbim të NATO-s në Rumani. POr, gjenerali Luca Goretti, shef i shtabit të forcave ajrore italiane, thotë se situata është shumë delikate, pasi mjafton pak për të kaluar kufirin dhe për ta gjetur veten në luftë. “Jemi vetëm 30 km larg kufirit me Ukrainën. Duhet të jemi shumë të kujdesshëm në aktivitetin tonë të mbrojtjes ajrore pasi mjafton pak për të kaluar kufirin dhe për ta gjetur veten në luftë”, thotë Goretti. Për këtë arsye – vijon ai – i kam kërkuar pilotëve që gjithcka duhet të bëhet me kujdes maksimal dhe sipas rregullave, sot më shumë se anjëherë tjetër!. Një ditë më parë, ministria italiane e mbrojtjes vendosi rregulla të reja për dislokimin e ushtarëve. Me luftën në ukrainë që vazhdon, rregullat e reja janë miratuar për ushtarët – shkruante të martën Corriere della sera. Shtabi i lartë i forcave të armatosura ka konfirmuar se prioritetet e njësive të ushtrisë po rishikohen në mënyrë që të reagohet ndaj nevojave që diktohen nga ndryshimet në kontekstin ndërkombëtar. “Njësitë ushtarake janë në gatishmëri të lartë, 100 për qind të furnizuara, dhe do ti nënshtrohen trajnimeve luftarake. Po ashtu, të gjitha mjetet e blinduara, helikopterët dhe sistemet e artilerisë, do të jenë në nivele maksimale operimi”. Ushtarëve ndërkohë i rekomandohet vëmendje e vecantë dhe të gjitha aktivitetet trajnuese duhet të jenë të orientuara drejt luftimeve...”.