Ish-kryeministri i Kosovës Isa Mustafa thotë se drafti i Asociacionit të komunave me shumicë serbe i hartuar nga BE është autonomi për serbët në Kosovë. Ish-kryetari i Lidhjes demokratike të Kosovës, pohon se ky draft është më i keq se marrëveshja e vitit 2013 dhe 2015 për Asociacionin. “Marrëveshja që po përmendet për Asociacionin, pika shtatë e aneksit të marrëveshjes që është aprovuar në Ohër është shumë më e rëndë sesa ka qenë marrëveshja bazike e vitit 2013 ose marrëveshja e parimeve në vitin 2015. Kjo s’ka të bëjë fare me Asociacionin...Tani ne me këto dokumente të Brukselit dhe Ohrit ne s’kemi Asociacion por kemi autonomi dhe vetë menaxhim të komunitetit serb në Kosovë. Autonomi politike dhe territoriale të serbëve. Ne mund t’i gënjejmë qytetarët dhe t’iu themi se po bëhet Asociacion. Ndërkombëtarët që po flasin për Asociacionin dhe po thonë se ata besojnë se është në harmoni me Kushtetutën ata s’po e thonë të vërtetën pasi nuk është ashtu. Askund në Kushtetutën e Kosovës nuk thuhet se një pakicë ose një komunitet etnik në Kosovë mund të vetmenaxhojë”