Gjykata e Apelit në Durrës ka lënë në burg Arbër Paplekajn, i akuzuar për vrasjen e Pjerin Xhuvanit në përplasjen me armë që ndodhi në Elbasan pak ditë para zgjedhjeve parlamentare të 25 Prillit. Gjykata e Elbasanit kishte vendosur arrest me burg për Paplekajn dhe detyrim paraqitjeje për 10 të akuzuarit e tjerë për ngjarjen, duke i ndjekur penalisht në gjendje të lirë. Arbër Paplekaj nuk ishte i pranishëm në seancën e Gjykatës së Apelit. Apeli vendosi ndjekjen penale në gjendje të lirë per shtetasit: Arjan Hoxha, PAvlo Vuksani, Emiljan Prenga JUljan Mat, Erald Guga, Erjon Demushi,Taulant Ymeri, Roland Xhepa, Nuredin Kasma, të gjithë të akuzuar për heqje të lirisë me dhunë. Hetim në gjendje të lirë eshtë vensdosur edhe për Eldjo Beko, i arrestuar “në flagrancë” në momentin e krimit dhe që akuzohet për pengim të hetimeve. Vrasja e Pjerin Xhuvanit në qytetin e elbasanit, ishte ngjarja me e rëndë e ndodhur gjatë fushatës zgjedhore, ku ishin shënuar një sërë incidentesh mes palëve. Gjatë sulmit me armë ku Xhuvani mbeti I vrarë u plagosën edhe 4 persona të tjerë, mes tyre edhe një punonjese e policie. Përplasja ndodhi para zyrave të shtabit elektorat të PD-së për qarkun e elbasanit. Si shkak për përplasjen me armë u deklaruar në atë kohë se mbështetës të Partisë Demokratike mes të cilëve Arbër Papleka kishin ndaluar një automjet pa targa në lagjen “5 Maji” pasi kishin dyshime se në të kishte para dhe karta identiteti që do përdoreshin nga PS për blerjen e votave. Ata kishin njoftuar policinë, por ndonëse uniformat blu ndodheshin në vendngjarje, situata degradoi dhe dy grupet e militantëve u përfshinë në shkëmbim zjarri duke shkaktuar një vitkkë dhe 4 të plagosur. Pas vetëdorëzimit në polici Arbër Papleka, deklaroi se qëlloi për vetëmbrojtje, ndërsa të dyja kampet politike hodhën akuza në drejtim të njëra-tjetrës.