Ekonomia amerikane u ngadalësua vërtet ne tre muajt e fundit të 2020-tës, por nuk u rrëzua. Përfundimi optimist I departamentit të thesarit vjen pavarësisht se mijëra biznese u detyruan t`I kufizojnë operacionet e tyre për shkak të pandemisë së koronavirusit, që vazhdon të përhapet me ritme shpejta. Ekonomia e SHBA-së, më e madhja në botë, u rrit me 1 për qind në periudhën tetor-dhjetor, krahasuar me avansimin e fortë prej 7.5 për qind që kishte pasur në tre muajt pararendës. Megjithatë rënia gjatë vitit 2020 nuk ishte aq e fortë sa kishin parashikuar disa ekspertë pas shfaqjes për herë të parë të virusit në SHBA. Tashmë ekonomistët po parashikojnë një rimëkëmbje përfundimtare në 2021, veçanërisht në gjysmën e dytë të vitit, pasi miliona amerikanë të jenë vaksinuar. Disa ekspertë besojnë se përmirësimi ekonomik mund të ketë filluar në janar me injektimin në ekonomi të financimeve, pjesë e paketës së ndihmës prej 900 miliardë dollarësh nënshkruar nga ish-Presidenti Donald Trump. Pamjet: AFP