Në ditën e pavarësisë së Ukrainës, shtetet e bashkuara i kanë një “dhuratë” të hidhur: zyrtarët amerikanë të mbrojtjes e kanë bllokuar Kievin duke i kërkuar të mos përdorë më raketat me rreze të gjatë veprimi të furnizuara nga vetë SHBA vitin e kaluar. “Wall Street Journal” thotë se ky veprim është pjesë e përpjekjeve të administratës Trump për ta përfshirë Putinin në bisedimet e paqes Dy zyrtarë amerikanë i thanë të njëjtës media se të paktën në një rast, Ukraina kishte kërkuar të përdorte raketat “Atacms” (atak emes) kundër një objektivi, por iu refuzua sipas një “mekanizmi shqyrtimi” në Pentagon, i cili koordinon se si mund të përdoren armët me rreze të gjatë veprimi të SHBA-së ose ato të ofruara nga aleatët evropianë. Sistemi i shqyrtimit thuhet se i jep sekretarit të mbrojtjes të SHBA-së, Pete Hegseth, miratimin për përdorimin e raketave Atacm, të cilat kanë një rreze veprimi prej gati 190 miljesh (305 km). Ukrainës iu dha më parë autorizimi nga administrata Biden për të përdorur sistemin e raketave kundër objektivave brenda Rusisë në nëntor, pasi trupat e Koresë së Veriut u përfshinë në luftë.