Qeveria e Serbisë, me anë të drejtorit të të ashtuquajturës Zyrë për Kosovën, Petar Petkoviç, ka reaguar pas aksionit të Policisë së Kosovës në Shtërpcë mëngjesin e të martës, ku u arrestuan dhjetë persona, të cilët dyshohen për marrje të ryshfeti, dhënie të ryshfetit dhe keqpërdorim të pozitës zyrtare, përfshirë ish-kryetarin e kësaj komune.Petkoviç e ka quajtur aksionin e Policisë si një përpjekje tjetër brutale të Albin Kurtit për ta frikësuar popullin serb. “Nën maskën dhe nën pretekstin e një lloj lufte kundër korrupsionit, Albin Kurti po dërgon sërish forcat speciale të Rossu-t me mjete të plota luftarake në mjediset serbe me qëllimin e vetëm për t’i kriminalizuar serbët që mbetën mburojë për mbrojtjen e interesave tona kombëtare. Në radhët e veta, kur të gjithë faktorët ndërkombëtarë e dinë se të gjitha flukset e parave të pista kalojnë nëpër mjedisin shqiptar”, ka thënë Petkoviç, i cili e lidhi aksionin e Policisë me vizitën e shefit të tij, Presidentit serb