Kriza energjetike ka filluar të ndjehet cdo ditë e më shumë në Maqedoninë e Veriut. Një ditë pas shpallje së emergjencës energjetike, qyteti i Shkupit ka anuluar dekorimin e qytetit me rastin e festave të fund-vitit. “Duke u përballur me krizën e vazhdueshme energjetike, dhe duke pasur parasysh që shteti e siguron energjinë elektrike me një çmim shumë të lartë duam të informojmë publikun se: Qyteti i Shkupit ka kërkuar ndërpres kontratën me “Link media plus dooel” për dekorimin e qytetit për Vitin e Ri në vlerë prej 24 mijë euro”, thuhet në njoftimi e Bashkisë. Ajo gjithashtu njoftoi se vitin e ardhshëm, në vend të praktikës së deritanishme të angazhimit të një kompanie dekorimi, Qyteti i Shkupit do të prokurojë dekorime që do të jenë në pronësi të qytetit, duek kursyer fondet nga buxheti i qytetit. “Do t’i jepet fund funksionimit dhe shpenzimit të papërgjegjshëm të mjeteve buxhetore të qytetit”, theksoi Bashkia.