Greqia është duke thyer çdo ditë rekord me numrin e lartë të të prekurve me koronavirus, ndërkohë që në spitalet janë të mbingarkuara me pacientë që iu duhet ndihmë mjekësore. Ekspertët në Greqi parashikojnë në fillim të dhjetorit numri i rasteve të reja me koronavirus të arrijnë deri në 10 000 në ditë. Duke i bërë thirrje qeverisë të marrë masa të menjëhershme dhe qytetarëve të vaksiohen, eksperti grek Demosthenes Sarigiannis ka parlajmëuar se vendi fqinj mund të arrijë në 100 viktima në ditë. “Rritja e rasteve është krejtësisht normale. Është vazhdimësi e kursit në rritje. Për këtë javë presim një rritje të qëndrueshme, e cila mund të çojë në 7 mijë raste ditore. Në fillim të dhjetorit rastet të arrijnë në 10 mijë të infektuar në ditë. Numri i të vdekurve do të vazhdojë të rritet dhe deri në fund të muajit do të kemi arritur afër 100 vdekje në ditë”, tha Sarigiannis për mediat greke. Por pavarësisht këtyre parashikimeve, kryeministri grek Qiriako Mitsotakis tha gjatë një takimi me përfaqësues të biznesit në Athinë se nuk do të privojë më të vaksiunuarit nga shërbimet publike, duke hedhur poshtë mundësinë e kthimit të izolimit. “Do të them sërish se ekonomia dhe shoqëria nuk do të mbyllen më. Të vaksinuarit nuk do të privohen nga liritë dhe ata që ende nuk janë vaksinuar duhet të mbrohen. Që e gjithë kjo të ndodhë në të njëjtën kohë, përveç policisë, padyshim duhet bashkëpunim dhe duket se me armën kryesore të bindjes po e pushtojmë“, theksoi Mitsotakis në fillim të takimit.