Shitblerja e votës është një nga shqetësimet kryesore të politikës por edhe të përfaqësisë ndërkombëtare në vendin tonë të cilët kanë bërë thirrje në mënyrë te pandërprerë si partive politike ashtu edhe qytetareve që mos të ta lejojnë një gjë të tillë në këto zgjedhje. Ambasadorja amerikane ka qenë e prerë në këtë drejtim duke u kërkuar qytetarëve të sheshin votën tek ata që iu pagujanë fatorat dhe për 4 vite zhduken. Akuzat nuk kanë munguar edhe gjatë fushatës elektorale sidomos nga ana e PD. Rasti më i fundit ishte ai i denoncuar nga PD për Elbasanin, ku sipas drejtuesit politik të zonës Gazment Bardhi janë 43 persona që janë paditur në spak, përfshirë Taulant Ballën dhe shumë zyrtarë të tjerë vendorë për mbledhjen e kartave të identitetit. Por Balla i ka hedhur poshtë këto akuza. Edhe preidenti Ilir Meta që ka qenë aktiv në këto ditë fushate ka akuzuar ish deputetin e LSI Shkëlqim Selami se po organizon blerje votash në Vlorë. Por vet Selami ka reaguar duke pohuar se gjatë kohës që Meta ka qenë drejtues i LSI ishte etalon i blerjes së votës, pasi kërkonte të dhëna sa vota mund të blinte secili gjatë çdo votimi. Meta në daljet e tij të fundit u ka bërë thirrje qytetarëve që të mos shesin votën për 1 thes me miell, apo një faturë të paguar borxhesh.