Vrasësi I mësuesit Samuel Paty në Francë kishte paguar dy nxënës që ta identifkonin 47 vjecarin, të cilin ai vetë nuk e njihte përvecse si emër. Paty u ekzekutua mizorisht në mes të rrugës nga një 18 vjecar me origjinë cecene për shkak se kishte treguar në klasë disa karikatura të profetit Muhamed, teksa diskutohej mbi lirinë e shprehjes. Vrasësi, Abdullakh Anzorov u qëllua për vdekje nga policia fill pas sulmit. Prokurorët thanë se ai u kishte dhënë dy nxënësve të shkollës rreth 300 euro për të identifikuar viktimën e tij, për të cilin u kishte thënë se donte ta filmonte dhe ta bënte “ që të kërkonte ndjesë për gjestin e vet”. Adoleshentët pretendojnë se Anzorov qe shprehur se maksimumi do ta qëllonte mësuesin e do ta poshtëronte. Vrasja e 47 vjecarit ngjalli indinjatë të madhe në vend e risolli në kujtesë mësymjen e redaksisë së revistës satirike Charlie Hebdo ku u vranë 12 vetë. Ministri francez I arsimit, Jean-Michel Blanquer deklaroi se Paty u martirizua për shkak të profesionit të tij dhe pas vdekjes do t`I jepet titulli më I lartë në vend, Legjioni I Nderit. Pamjet: AFP