Policia e Utah-s është shokuar kur zbuloi se një nëntë vjecare kishte ngarë makinën, bashkë me motrën e saj katër vjecare në sediljen e pasagjerit, për të shkuar në det. Motrat i thanë oficerëve se ato po shkonin në kaliforni sepse donin të notonin në oqean. Ato kaluan me makinë në dy rrugë kryesore, goditën një makinë tjetër dhe më pas u përplasën me një kamion. Të dy motrat, sidoqoftë kishin vendosur rripat e sigurimit dhe nuk u lënduan në incident. Vajzat, sic rrëfyen vetë ato, ishin zgjuar që në orën 3 të mëngjesit dhe kishin marrë makinën e prindërve ndërsa këta të fundit ishin ende në gjumë. Plani i tyre ishte që të udhëtonin deri në kaliforni, udhëtim ky që zgjat për rreth 10 orë, për të notuar në oqean. Nëntë vjecarja e kishte ngarë makinën për 16 km para se të godiste një makinë tjetër, kishte kaluar më pas përmes një zonë me qarkullim të kufizuar dhe ishte përplasur me një kamion. Shoferi i kamionit, që po ashtu nuk ishte lënduar, kishte telefonuar më pas policinë. Videot nga kamerat në trupin e policëve tregonin pasojat e aksidentit dhe makinën e dëmtuar. Një prej oficerëve dëgjohet të thotë: Kjo është cmenduri, ajo po nget makinën.