Një variant i ri, me mutacion të dyfishtë të koronavirusit, dhe plot 771 variante të tjera janë zbuluar në kampionë të mbledhur nga 18 shtete në të gjithë indinë. Nga 10787 kampionë, 736 ishin pozitivë me variantin britanik, 34 me atë afrikano vjugor dhe një me atë brazilian. Raporti vjen në mesin e një rritjeje të kohëve të fundit të rasteve të koronavirusit në Indi. Por, qeveria tha se nuk ka një lidhje mes rritjeve të rasteve dhe këtyre varianteve të reja. India raportoi 47 262 raste dhe 275 viktima të mërkurën, rritja më e lartë këtë vit. Konsorciumi indian për gjenomën e Sars Cov 2, një grup prej 10 laboratorësh kombëtar i varur nga ministria e shëndetësisë, bëri ndarjen e sekuencave gjenetike të kampionëve. Ky është një proces që ofron një hartë të kodit të plotë gjenetik të një organizmi, në këtë rast të virusit. Qeveria tha se një analizë e kampionëve të mbledhur në rajonin perëndimor të Indisë tregon një rritje në fraksionin e kampionëve me mutacionet E484Q dhe L452R, krahasuar me dhjetorin e vitit të shkuar. Një mutacion i tillë i dyfishtë, bën të mundur që virusi ti shpëtojë sistemit imunitar dhe rrisin infektueshmërinë- tha ministria në deklaratë. Por ajo mohoi që rritja e numrave në vend ishte e lidhur me mutacionet.