Situata me Covid-19 në 2 spitalet Covid vazhdon të mbetet e stabilizuar. Në raportimin ditor nga Ministria e Shëndetësisë bëhet me dije se në 24 orët e fundit janë kryer 3167 testime, nga të cilat kanë rezultuar pozitivë 35 qytetarë, nga të cilat 10 raste në Tiranë, nga 5 raste në Shkodër dhe më pak raste në baskitë ë tjera. Edhe pse numri i personave të infektuar me Covid ka pësuar rënie, sërish kemi një humbje jete që është një 77-vjeçar nga Berati, për shkak të komplikacioneve të të shkaktuara nga virusi. Prej më shumë se 14 muajsh që koronavirusi është i pranishëm në Shqipëri, ka patur gjithësej 2,441 humbje jete. Po në harkun kohor të 24 orëve, janë shëruar 556 pacientë, duke e çuar numrin e të shëruarve në 128,425 që nga nisja e epidemisë. Rënia e infektimeve, ka ulur edhe numrin e pacientëve të shtruar në 2 spitalet Covid. Aktualisht në këto 2 spitale po trajtohen 61 pacientë nga të cilët 7 prej tyre janë në terapi intensive. Momentalisht në Shqipëri janë 1287 raste aktive me Covid-19.