Franca ka gjobitur Google me 500 milionë euro pasi ka dështuar të negociojë në mirëbesim me kompanitë mediatike në lidhje me përdorimin e përmbajtjes së tyre nën rregullat e të drejtës së autorit të BE-së. Kjo është gjoba më e madhe e vendosur ndonjëherë nga rregullatorët e konkurencës në francë për një kompani që dështon të plotësojë një nga kushtet e saj. Përplasja e hershme ligjore fokusohet tek pretendimet se Google ka shfaqur artikuj, foto dhe video të prodhuara nga grupe mediatike kur shfaq rezultatet e kërkimeve, pa kompensimin e duhur. Lëvizja vjen në mesin e një beteje më të gjerë për të detyruar Google dhe platformat e tjera online që të paguajnë për lajmet që shfaqin pas një rënieje sizmike të të ardhurave nga reklamat online. Autoriteti i konkurencës po ashtu ka kërcënuar me gjoba të tjera, të përditshme, nëse Google nuk del me një propozim brenda dy muajsh se si do ti kompensojë botuesit dhe agjencitë e lajmeve për përmbajtjen e tyre.