Pallati i Buckinghamit kishte marrë që në vitin 2020 një arkiv me rreth 30 mijë email-e që lidhen me aktivitetet financiare të Princit Andrew, sipas dokumenteve të Gjykatës së Lartë britanike. Emailet dyshohet se përmbajnë informacione mbi marrëveshje financiare të diskutueshme dhe ndarje të mundshme të informacioneve konfidenciale qeveritare gjatë kohës kur ai shërbente si i dërguar tregtar. Dokumentet tregojnë se kopja e arkivit iu dorëzua zyrtarit më të lartë të Familjes Mbretërore, në maj 2020. Pallati refuzoi të komentojë për përmbajtjen e materialeve, duke përmendur hetimin policor në vazhdim. Çështja ka marrë vëmendje pasi autoritetet po hetojnë ish-princin nën dyshimin për sjellje të pahijshme. Një pjesë e emaileve të publikuara më herët sugjeron se ai kishte ndarë informacione konfidenciale ekonomike me kontakte biznesi private. Ndërkohë, deputetë dhe ekspertë në Mbretërinë e Bashkuar kanë kërkuar më shumë transparencë dhe një hetim parlamentar për aktivitetet e tij gjatë kohës si i dërguar tregtar. Nga ana tjetër, Princi Andrew ka mohuar çdo shkelje dhe çdo përfitim personal nga roli i tij zyrtar.