Ka qenë një kohë, tashmë e largët, e mbushur me gabime trashanike nga Boris Johnson. Ka qenë një kohë, në të cilën shifrat e britanisë së madhe të të infektuarve dhe viktimave të koronavirusit, ishin të frikshme. Ndërsa tani, ka një fushatë vaksinimi të organizuar dhe efikase. Vetëm të shtunën, vendi ka imunizuar 844285 persona në 24 orë, cka tregon një ritëm prej 27 vaksinash në sekondë. 28 milionë banorë kanë marrë të paktën një dozë të vaksinës, e barabartë kjo me 54 për qind të popullatës së rritur. Bëhet fjalë për mobilizimin më të madh në masë nga kohët e luftës së dytë botërore, që kanë hedhur në fushë më shumë se 100 mijë vullnetarë dhe ka përfshirë 30 mijë punonjës të shëndetësisë. Dhe gjithcka, cështje teknologjie dhe organizimi. Por, edhe një aftësi për të lëvizur atëherë kur duhet. Që në verë, qeveria e londrës kishte prenotuar 447 milionë doza vaksine për një shumë prej 13 miliardë eurosh. Me astrazeneca-n, britanikët kanë arritur një marrëveshje në maj ndërsa BE e bëri këtë në gusht. Për më tepër, përtej detit, vaksinimi me astrazeneca-n nuk u ndërpre asnjëherë. Për më tepër, britania i ka ofruar shtëpive farmaceutike vende prodhimi dhe vullnetarë për testet. Ndërkohë që për vaksinimin, punohet 12 orë në ditë, në shtatë ditë të javës. Qendrat e vaksinimit në vend janë mbi 3 mijë ndërkohë që edhe ushtria është angazhuar në operacion.