Një burrë në Karolina e veriut u dënua pa faj për vrasje dhe u burgos për 26 vite. Tani është ka marrë faljen e plotë nga guvernatori. Dontae Sharpe, luftoi për të provuar pafajësinë e tij që nga arrestimi në 1994. Ai u lirua nga burgu vetëm në gusht 2019. “Emri i familjes sime u pastrua”, i tha ai gazetarëve të premten. “ishte një peshë shumë e madhe mbi supet e mia dhe të familjes sime”. Lajmi pason një dokumentar të BBC për keqfunksionimin e drejtësisë në rastin e tij. Historia e Sharpe, tregoi se duhen vite të tëra për të marrë faljen e plotë edhe pasi një person ëhstë shfajësuar dhe fiton lirinë e tij. Guvernatori Roy Cooper tha në një deklaratë se ai e kishte shqyrtuar me kujdes rastin dhe ata që janë dënuar gabimisht, si Sharpe, meritojnë të kenë drejtësi të plotë dhe kjo të bëhet publikisht. Me faljen e plotë, Sharpe do të jetë në gjendje të paraqesë kërkesë për kompensim nga shteti. “Liria ime nuk mund të jetë e plotë për sa kohë që ka edhe njerëz të tjerë që janë burgosur gabimisht, janë dënuar gabimisht dhe presin faljet”, tha Sharpe. “Unë kam qenë atje dhe ka njerëz të pafajshëm që e dijnë se sistemi është i korruptuar dhe duhet ndryshuar”. Sharpe u dënua për vrasje të shkallës së parë të George Radcliff. Muaj pas gjyqit, një dëshmitare adoleshente e shtetit ndryshoi dëshminë e saj. Por sidoqoftë u deshën edhe dy dekada që Sharpe të shfajësohej dhe të lirohej nga burgu.