Në listën e armëve që SHBA po i dërgon Ukrainës si pjesë e një pakete ndihmash ushtarake 800 milionë dollarëshe të prezantuar nga presidenti Joe Biden, mes afro 10 mijë armëve anti-tank, 800 sistemeve anti ajror Stinger dhe mijëra armëve automatike, ishin edhe rreth 100 sisteme ajrore taktike të telekomanduara. Por, këto të fundit nuk janë dronët e mëdhenj amerikanë që kemi parë. 100 sistemet e telekomanduara që janë nisur drejt Ukrainës, janë në fakt dronë të vegjël Sëitchblade. Ndryshe nga dronët me rreze të gjatë veprimi, Predator, që duken të ngjashëm me avionët e vegjël dhe lëshojnë raketa mbi objektiva, këta dronë të vegjël mund të futen në një cantë dhe të fluturojnë direkt mbi objektivat për të shpërthyer atje ngarkesën eksplozive që mbartin. Më pak se 60 centimetra të gjatë dhe me peshë vetëm 2.4 kg, këta dronë mund të lëshohen nga një lloj tubi i vogël që ngjan me një mortajë e pas kësaj mund të fluturojnë për 15 minuta. Sëitchblade modeli 600 është më i madh se modeli 300 dhe mund të fluturojë për rreth 40 minuta por peshon 22 kilogramë. Zyrtarët amerikanë nuk mund të thonë nëse një apo të dyja sistemet do të përfshihen në 100 njësitë e destinuara për në Ukrainë. Por sidoqoftë, ata konsiderohen shumë efikasë dhe mund të ndihmojnë trupat mbrojtëse në rezistencën e tyre duke shkatërruar objektivat armike.