Rritja e numrit të infektimeve të reja ka shtuar edhe numrin e jetëve të humbura nga koronoavirusi gjatë kësaj periudhe. 10 viktima të tjera si pasojë e komplikacioneve të shkaktuara nga covid 19 janë raportuar këtë të shtunë nga ministria e Shëndetësisë. Sipas të dhënave, personat që kanë humbur jetën janë 4 Tirana të moshave nga 56-83 vjeç, 4 qytetarë nga Durrësi të moshave 68-82 vjeç, 1 qytetar nga Vlora 36 vjeç dhe 1 qytetar nga Fieri, 60 vjeç. Në total numri i viktimave që nga fillimi i pandemisë ka shkuar në 2629 persona. ndërkaq janë kontstuar edhe 664 raste të reja të prekur nga virusi si pasojë e 4875 testimeve të kryera ndaj personave të dyshuar. Nga këto janë 215 raste në Tiranë që mbetet vatra kryesore e pandemisë, 54 në Fier, 40 në Sarandë, 34 në Lushnje, 33 në Shkodër, 31 në Durrës, 28 në Vlorë, 23 në Berat, 20 në Kukës, 17 në Elbasan, 16 në Krujë, 14 në Lezhë, 13 në Kamëz, 10 në Korçë. Aktualisht në Spitalet COVID po marrin trajtim 214 pacientë, nga të cilët 26 janë në gjendje më të rënduar. Ndërkohë në të gjithë vendin janë 11,945 pacientë aktivë me COVID19. Gjatë 24 orëve të fundit janë shëruar 866 qytetarë duke e çuar numrin e të shëruarve në 152,780 që nga fillimi i epidemisë. Në total numri rasteve pozitive që nga fillimi i pandemisë ka shkuar në 167,354 persona. Ministria e Shëndetësisë u bëri thirrje të gjithë qytetarëve mbi 18 vjeç që të vaksinohen sa më parë, për të mbrojtur veten dhe shëndetin e të tjerëve, për të reduktuar mundësinë e infektimit dhe shmangjen e pasojave të renda dhe fataliteteve.