Një prej mënyrave për të zbardhur krime që kanë mbetur për shumë kohë pa autorë, apo që dyshimet nuk mund të bazohen në prova është edhe ajo e përgjimeve të pandërprera. Kësisoj, SPAK ka operuar me neni 23 si dispozitë kalimtare të ligjit për organizimin dhe Funksionimin e Institucioneve për të Luftuar Korrupsionin e Krimin e Organizuar. Ndaj, në muajin dhjetor të vitit 2019 në Sektorin e Përgjimit të Komunikimeve Elektronike në Prokurorinë e Përgjithshme është vënë në dispozicion një ambient i veçuar, zyrë pune, me qëllim realizimin e procesit të përgjimit në interes të çështjeve hetimore të ndjekura nga Prokuroria e Posaçme Kundër Korrupsionit dhe Krimit të Organizuar. Zyra dhe pajisjet e përgjimit janë izoluar dhe siguruar sipas parametrave ligjor të nevojshëm dhe të sigurt, brenda të cilës janë përcaktuar shtatë poste, ku Oficerët e Policisë Gjyqësore kanë kryer detyrat e tyre funksionale. Përgjatë vitit 2020, Prokuroria e Posaçme Kundër Korrupsionit dhe Krimit të Organizuar ka përdorur metodën e përgjimit për 91 procedime penale. Kjo veprimtari është ndjekur nga 10 (dhjetë) Oficerë të Policisë Gjyqësore të Policë së Shtetit.