Pasi Apeli i GJKKO la në fuqi vendimin e shkallës së parë për dënimin e grupit të Bruno Cobos për call centerat, 5 gra mes të dënuarve i janë drejtuar gjykatës së posacme me kërkesë për shtyrje të ekzekutimit të vendimit, për shkak të fëmijëve dhe kushteve familjare. Tekst- Përmes përfaqësuesve ligjor, ato kërkojnë “shtyrjen e ekzekutimit të vendimit, kur vuajtja e menjëhershme mundt të ketë pasoja të rënda për të dënuarin ose familjen”. Teksa është hedhur shorti dhe janë përcaktuar gjyqtarët përkatës, Gjykata e Posame ka tashmë një test të vështirë, si do të veprojë përsa kohë avokatët bojkotojnë edhe seancat për masat e sigurisë. Në një prononcim për Top News, kreu i dhomës së Avokatisë Maksim Haxhia thotë se vendimi i këshillit të përgjithshëm është i detyrueshem për zbatim nga të gjithë avokatatët. MAKSIM HAXHIA- “’Apel’ bën vendimini Këshillit të përgjithshëm i cili është organi më i lartë vendimarrës i Dhomës së Avokatisë së Shipërisë dhe vendimet e tij janë të detyrueshme për zbatim. Apel unë i bëj kryesisë së GJKKO, të rishikojë rregulloren e marrë, e cila është antiligjore” Rasti më delikat mbetet i Greta Pepës, e dënuar me 6 vite e 8 muaj burg, aktualisht e burgosur së bashku me foshnjën 4-muajshe në seksionin e posaçëm të burgut ku ndodhet edhe çerdhja. Lidhur me këtë rast, një grup pune i Institucionit të Avokatit të Popullit, konkretisht Mekanizmi për Parandalimin e Torturës shkoi drejt burgut Pojskës, për të verifikuar situatën lidhur me dënimin e nënës.