Zv. presidentja e Shteteve të Bashkuara, Kamala Harris mbërriti sot në kryeqytetin e Meksikës për t’u takuar me presidentin Andres Manuel Lopez Obrador me të cilin do të diskutojë çështjet kryesore të politikës së dy vendeve fqinje, mes të cilave më e rëndësishmja është ajo e emigracionit nga Amerika Latine drejt SHBA. Harris përballet kështu me testin e saj të parë të diplomacisë teksa do të përpiqet të trajtojë çështjet kryesore që nxisin emigracionin. Përvec takimit me presidentin meksikan, ajo do të takohet edhe me gra sipërmarrëse dhe liderë të sindikatave të punës. Adminsitrata e re Biden është duke u përballur me një presion në rritje të zbutjen e valës së emigracionit nga kufiri jugor i SHBA, teksa prilli shënoi rekordin e dy dekadave të fundit për fenomenin, sipas shifrave zyrtare.