Top Channel/ Varhelyi kërkon zbatimin e marrëveshjes Kosovë-Serbi: Dy palët të përmbushin detyrimet

Komisioneri i Bashkimit Evropian për Zgjerim dhe Fqinjësi, Oliver Varehelyi zhvilloi një vizitë në Kosovë, ku në fokus riktheu dialogun me Serbinë. Sipas tij dialogu Kosovë-Serbi është shumë i rëndësishëm, ndërsa kërkoi zbatimin e marrëveshjes bazë, përfshirë edhe Asociacionin. “Tani është esenciale që të dyja palët të ofrojnë dhe zbatojnë të gjitha detyrimet pa vonesa, pasi duhet të shfrytëzohet të ecet përpara me zbatimin e marrëveshjes. Natyrisht mjafton të përmendet e konkluzioni i Këshillit të Evropës ku i nxit dy palët që të zbatojnë plotësisht të gjitha detyrimet, përfshirë edhe marrëveshjen e vitit 2013-2015 për Asociacionin”.