“E ka vrarë i fejuari, nuk ishte vetëvrasje”, shoqet e 21 vjecares italo-spanjolle Elena Livigni Gimenez që vdiq në Ibiza pasi ra nga ballkoni, janë të bindura se vajzën e ka hedhur partneri i saj. 26 vjecari me origjinë marokene vdiq edhe ai pas saj në të njëjtën menyre. Mikeshat e Elenes, duke folur për Corriere della Sera thonë se 26 vjecari e ka shtyrë ose ajo ka rënë për cdo rast për shkak të një agresioni nga ana e tij. “Nuk i ka shkuar ndonjëherë në mend të vriste veten”, kembengulin ato. Edhe hetuesit spanjollë mendojnë se mund të bëhet fjalë për vrasje. Mendohet se pasi ka parë cka bërë, i riu është hedhur edhe vetë, duke vdekur në vend. Dëshmitarët në vendngjarje rrëfejnë se e para nga ballkoni i dhomës në katin e katërt të hotelit "Torre del Mar" ka rënë vajza, dhe pas pak castesh, u shemb përdhe edhe 26 vjecari. Ata rrëfejne se përpara ngjarjes së rëndë, mes tyre ka pasur një sherr të madh e të dhunshëm. E ëma e Elenes sakaq nuk di se cfarë të mendojë. Sipas saj, i riu nuk dukej i dhunshëm e ndoshta gjithcka ka qenë një aksident fatkeq. Dyshimet që rrethojën këtë ngjarje pritet të zbardhen nga rezultati i autopsisë, falë të cilës do të shihet nëse në trupin e 21 vjecares ka pasur shenja dhune.