Një tornado goditi disa fshatra në Çeki, duke vrarë të paktën pesë persona dhe duke lënë më shumë se 150 të tjerë të plagosur. Një shtëpi të moshuarish dhe një kopsht zoologjik u dëmtuan rëndë pasi breshëri me madhësi sa të një topi tenisi goditi një numër qytetesh të enjten në mbrëmje, duke shkaktuar gjithashtu ndërprerje të mëdha të energjisë si dhe u bllokua një autostradë e madhe. Të gjithë ata që ndodheshin në shtëpinë e të moshuarve në qytetin Hodonin u zhvendosën në një hotel aty pranë,ndërsa rreth 78,000 shtëpi dhe zyra ishin pa energji të Premten në mëngjes. Pamjet nga rajoni në rrjetet sociale treguan ndërtesa dhe makina të shkatërruara, trungje të prera pemësh, zjarre, e shtwllunga tym të zi të trashë. efekt "Është ferri mbi tokë ", tha guvernatori rajonal Jan Grolich pasi pa shkatërrimin masiv. Ndërsa zëdhënës i policisë lokale konfirmoi 5 viktimat , ai tha se pritet të rritet numri i të lënduarve, nisur nga shtimi i thirrjeve për ndihmë . Ushtria u vendos gjithashtu në ndihmë në operacionet e kërkimit, të ndihmuar nga skuadrat austriake dhe sllovake. Zjarrfikësit dhe një ekip special i shpëtimit kishin kontrolluar "99 përqind" të fshatrave të prekur dhe nuk prisnin të gjenin viktima të mëtejshme, tha goverantori Grolich.