Kuvendi i Mitrovicës së Veriut thirri në diskutim për bashkëpunim ndëretnik qytetarët, shoqërinë civile e mediat e kësaj komune. Në debat u diskutua edhe hapja e Urës së Ibrit. Përfaqësuesit e institucioneve të Kosovës thanë se hapja e urës së Ibrit është e domosdoshme. Ura e Mitrovicës mbi Lumin Ibër të do të bëhet simbol i normalizimit në Kosovë, në atë plan thuhet se revitalizimi i saj do të shërbejë në shtimin e kontaktit mes qytetarëve të Mitrovicës dhe Veriut dhe Jugut. Sa i përket lëvizjës së lirë jemi të gatshëm të ua dëgjojmë të gjitha brengat dhe shqetësimet tuaja. Qytetarët serbë, pjesëmarrës në debat shprehën shqetësimet e tyre që i kanë sa i përket hapjes së Urës së Ibrit e qytetarët shqiptarë kërkuan që ura të lirohet për qarkullim të automjeteve. Nuk po e kuptoj kete gjendje. Une e kam perjetu edhe presionin nga Lista Serbe. Por, edhe tash edhe kjo situate eshte e rend per ne. Ne po ndihemi te kercenuar. Ju në vendet tuaja ku jeni shumë demokratike është dashur ta ngritni cështjen, para qeverive tona që me e liru rrugën e që të kemi qarkullim të lirë dhe jo ju të jeni të parët të thoni se nuk bën të hapet. Në këtë debat pati edhe tensione nga ana e dy aktivistëve të Partisë Demokracia Serbe të cilët e shfrytëzuan debatin publik për t'u ankuar për arrestimin e dy qytetarëve. Rreth orës 11:00 të mëngjesit të sotëm, Policia e Kosovës arrestoi dy persona për pengim të punës së punetorëve komunal që po punonin për të fshirë grafitet me mbishkrime nacionaliste që krijojnë nxitje dhe urrejtje si "severna brigada" etj. në afërsi të urës së Ibrit. "Njësitet policore relevante, me qëllim të qetësimit të situatës dhe krijimit të mundësive për punë, janë detyruar të veprojnë dhe kanë shoqëruar në stacion policor për intervistim dy persona", thuhet nga Policia e Kosovës, teksa kanë njoftuar se të njëjtët janë liruar pas intervistimit. Gjatë kohës sa ata mbaheshin në satcion, qytetarët serbë u mblodhën para policisë në veri të Mitrovicës për të protestuar. Të njëjtët u shpërndanë të qetë, pas lirimit.