Top Channel/ Të shtëna me armë dhe përplasje! Policë të lënduar nga incidentet në veri të Kosovës

Pesë policë kanë mbetur të lënduar nga incidentet agresive në Zveçan të Kosovës, gjithashtu katër automjete u dëmtuan pasi iu vu zjarri. Policia ka konfirmuar se protestuesit në Zveçan kanë filluar të shfaqin dhunë duke hedhur mjete të forta dhe bomba molotov në drejtim të uniformave blu. “Protestuesit në Zveçan pas një kohe kanë filluar të shfaqin dhunë, të fyejnë e të hedhin mjete të ndryshme të forta në drejtim të Policisë dhe automjeteve zyrtare, duke shkaktuar rrezik të drejtpërdrejtë dhe lëndime të lehta trupore deri tani ndaj pesë 5 zyrtarëve policorë të cilët më pas u janë kthyer detyrave policore”, ka njoftuar Policia. Njëkohësisht janë dëgjuar të shtëna me armë zjarri në Leposaciç, ku provokimet nga protestuesit serbë vijojnë ende.