Themelet e draft strategjisë për Shqipërinë turistike deri në vitin 2030 propozohet të jenë “turizmi i qëndrueshëm”. Në dokumentin e nxjerr për konsultim publik, Ministria e Turizmit hedh idenë e krijimit të një programi të përhershëm për punësimin sezonal, duke menduar mbështetjen financiare të stafit edhe pas përfundimit të sezonit veror. Citat draft strategjia kombëtare e turizmit 2024-2030 “Për të mundësuar mbajtjen e forcës punëtore, si dhe për të mbështetur punonjësit sezonalë dhe për të siguruar stabilitetin e tyre financiar gjatë të gjithë vitit, është e rëndësishme të zbatohet një masë që ofron përfitime të vazhdueshme nga punësimi dhe mbështetje financiare gjatë periudhave jashtë pikut”. Flora Xhemani- eksperte për turizmin “Kjo do të ishte një arritje për turizmin. Një hap i rëndësishëm për të mbatur të rinjtë në Shqipëri. Teksa është fakt që ka një rritje të programeve për turizmin në universitetete sidomos në qytete bregdetare, apo shtimi i shkollave profesionale. Por stimulimi i të rinjve me pagë jashtë sezonit është pozitive, pasi problem më I madh i turizmit në Shqipëri ka qënë shërbimi dhe punonjësit jetëgjatë”. Nëpërmjet hartimit të një udhëzimi kërkohet të caktohet një kompensim i përshtatshëm për punonjësit në turizëm kur nuk janë duke punuar në mënyrë aktive, kosto e cila do të mbulohet nga qeveria jashtë sezonit. Në draft strategjinë kombëtare vihet kusht edhe specifikimi i kohëzgjatjes së masës, ku një shembull propozimi është që koha e ofrimit të mbështetjes financiare të jetë deri në 6 muaj. Por ekspertët teksa vlerësojnë këtë nismë, sugjerojnë që shuma të jetë e konsiderueshme për ti nxitur shqiptarët të jenë besnik në turizëm.