Top Channel/ Sot jepet masa e sigurisë për Alda Klosin/ Gjyqtari dhe prokurorja mbërrijnë në QSUT

Sot pritet të jepet masa e sigurisë për ish-zyrtaren, Alda Klosi, e cila aktualisht është e shtruar në spital, për shkak të disa komplikacioneve shëndetësore. Pranë ambienteve të spitalit “Nënë Tereza” kanë mbërritur gjyqtari Arben Micko dhe prokurorja e çështjes, Mirela Zavalani. Gjyqtari Arben Micko do ta zhvillojë masën në gjykatë penale të Tiranës, aty ku do të jepet edhe masa në orën 12:00 . Avokati Ilirian Muho që përfaqëson Alda Klosin deklaroi se do flasë pas seancës. “Në spital u morën gjeneralitetet e u pa gjendja shëndetësore e saj”- tha avokati mbrojtës i Klosit. Teksa u pyet nga gazetarët se nga se vuante klientja e tij, ai tha që të pyesnin mjekët për këtë çështje.