Ish- burri i Kryeministres skoceze e cila dha dorëheqjen në mënyrë të papritur në 2023, ka pranuar fajësinë në gjykatën e Edinburgut, për akuzën e përvetësimit të paligjshëm të mbi 400 mijë stërlinave nga arkat e Partisë Nacionaliste skoceze, partisë në pushtet, ndërkohë që gruaja e tij drejtonte qeverinë skoceze. Fondet e marra fshehurazi nga financat e kësaj partie, ai i përdorte për blerjen e disa makinave, për karavanë dhe sendeve të lluksit. Peter Murrell, është ish-bashkëshorti i Nicola Sturgeon, e cila dha papritur dorëheqjen në vitin 2023, pak pas arrestimit të saj në kuadër të një hetimi për financat e Partisë Nacionaliste skoceze, e cila lufton për nje referendum tjetër pas dështimit të një të mehershmi për pavarësinë e Skocisë dhe shkëputjen e saj nga Britania e Madhe . Më pas cështja ndaj ish- kryeministres skoceze u mbyll në mars të 2024. Pas pranimit të fajësisë së Peter Murrell, përmes avokatit, ish- kryeministrja skoceze, tha se është e pafajshme dhe nuk ka pasur asnjë dijeni ose dyshim se ish-burri i saj, Kryetar Partie, përporte fondet e partisë ne pushtet, për qëllime personale, edhe pse sendet e blera ishin sende të ciftit bashkëshortor dhe përporeshin në shtëpinë dhe jetën e tyre. Mbi 400 mijë stërlinat e e vjedhura për 13 vjet, nga viti 2010 deri në 2023-shin, sipas dokumentave ishin automjete të ndryshme, si dhe sende të brandeve të njohura si Estee Lauder apo Harrods. Peter Murrel pas pranimit të fajësisë u mbajt në paraburgim dhe do ti shqiptohet dënimi në 23 qershor. Dënimi i tij pritet të jetë i gjate në vite, nisur nga sasitë e parave te vjedhura në raste të ngjashme në historinë ligjore skoceze. Si udhëheqësi aktual skocez, John Sëeeny, ashtu edhe ish-kryeministrja jetëgjate Nicola Sturgeon, po përballen me sketicizmin nga ish drejtues të nacionalistëve dhe partive të opozitës për mënyrën se si kanë tentuar të mbyllin hetimin për financat e partisë së tyre, e cila dominon dhe lobon fuqishëm prej dy dekadash për pavarësinë e Skocisë nga Britania.