Kina u ka ndaluar të miturve nën 18 vjec lojën gjatë ditëve të javës me videolojëra, dhe gjatë fundjavës do të lejohen ta bëjnë një gjë të tillë vetëm për tre orë. Ky konsiderohet një përshkallëzim i rëndësishëm për industrinë masive të videolojërave në vend. Duke filluar nga kjo javë, të miturve do t'u lejohet vetëm një orë lojë mes orës 20:00 dhe 21:00 të Premten, fundjavë dhe festa publike, sipas një deklarate nga mbikëqyrësi i mediave kineze - Administrata Kombëtare e Shtypit dhe Publikimit (NPPA) – e cila u publikua nga agjencia shtetërore e lajmeve Xinhua. Masa përfaqëson një shtrëngim të madh të kufijve të mëparshëm të vendosur nga agjencia në vitin 2019, e cila kishte kufizuar lojën në 90 minuta gjatë ditëve të javës dhe tre orë në fundjavë për fëmijët. Autoritetet thanë se kufizimet u vendosën si mënyrë për të parandaluar krijimin e varësisë së të rinjve nga videolojrat.NPPA vuri në dukje se rregullat e reja po hyjnë në fuqi përpara fillimi të vitit të ri shkollor, duke vendosur kërkesa specifike për parandalimin e varësisë nga lojërat online si dhe mbrojtjen e shëndetit të të miturve.