Në video shihen nxënës të shkollave të mesme që kryejnë ceremoninë e ngritjes së flamurit në Vuhan të Kinës, në mëngjesin e vitit të ri akademik. Nxënësit kinezë u rikthyen në shkolla teksa raportohet se në kurikulat e reja është përforcuar koncepti i "Mendimit të presidentit Xi". Partia komuniste kërkon të integrojë kultin e presidentit te fëmijët prej moshës shtatë vjeçare, sipas saj “për të krijuar një gjeneratë të re patriotësh”. Ndersa universiteti i Vuhan ka shtyrë disa ditë nisjen e studimit dhe ka hequr lëndën e stërvitjes ushtarake për studentët e vitit të parë, deri në vitin 2022. Zv. kreu i universitetit Li Qin, tha se stërvitja për studentet e rinj do të zëvendësohet me leksione për parandalimin dhe kontrollin e pandemisë. Ai shtoi se programet mund të ndryshojnë përsëri në varësi të situatës në rajone të ndryshme.