Një grup shkencëtarësh kanë zbritur 8,000 thellë në hendekun Atacama në oqeanin Paqësor, për të zbuluar organizma të reja dhe për të instaluar pajisje observimi nënujor. “Kemi zbritur aty njeriu nuk kishte arritur më parë”, tha studiuesi Osvaldo Ulloa, i cili drejtoi ekspeditën që kishte arritur thellësinë gjigante në janar në brigjet e vendit latin. Ekspedita zbuloi organizma të reja mikroskopike për të cilat studiuesit kanë tashmë më shumë pyetje sesa përgjigje. Ulloa drejtonte grupin e tre personave që zbritën me nëndetësen e posaçme në hendekun Atacama në oqeanin Paqësor, e cila llogaritet se zgjat për 5,900 km nga Ekuadori në Kili. Ekspedita "Atacama Hadal" përbëhej gjithashtu nga eksploratori amerikan Víctor Vescovo, dhe kileni Rubén Escribano. Ajo nisi më 13 janar e zgjati 12 ditë në brigjet e Tal Tal, në veri të Kilit. "Që në thellësinë 100 metra nuk kishte më fare dritë dhe një heshtje vdekjeje të thellësisë," thotë Ulloa. “Atëherë ishte e nevojshme ndezja e dritave të fuqishme të instaluara jashtë kapsulës së nëndetëses, për të parë atë që syri i njeriut nuk kishte parë kurrë”, shton ai. "Hasëm disa struktura gjeologjike dhe pamë një kastravec deti të shkëlqyeshëm që nuk kishim regjistruar më parë”. Sipas shkencëtarëve, hendeku i Atacama gjendet në vendin ku takohen pllaka tektonike Nazca me pllakën amerikano jugore, që kanë shkaktuar shumicën e tërmeteve në rajon. "Ne do të vendosim tre sensorë në Pllakën Amerikano-jugore dhe dy në Pllakën Nazca për të parë sesi deformohet dyshemeja e oqeanit”, tha Ulloa. 73 te perfshire ne hetimin shqiptar e gjerman per grabitje te shtetasve te huaj permes mashtrimeve telefonike 73 persona u identifikuan si të implikuar në një skemë mashtrimi që iu përvetësoi shtetasve gjermanë shuma të konsiderueshme parash me ane te call-centre nga Shqiperia. Hetimi shqiptaro-gjerman zbuloi skemën e përdorur përmes Call Center-ave që çoi në arrestimin e 15 prej të dyshuarve, kurse të tjerët po procedohen në gjendje të lirë ose janë në kërkim. Telefonatat zhvatëse sipas hetimit të SPAK kryheshin me role të ndara dhe ndaj hetimi po kryhet për mashtrim në formën e ‘grupit të strukturuar kriminal’.