Londra nisi dy anije patrullimi drejt ishullit të Xhersit, në mesin e mosmarrëveshjeve me Francën lidhur me peshkimit në ujrat përreth tij. vendimi erdhi pas diskutimeve mes kryeministrit Boris Johnson dhe zyrtarëve lokalë lidhur me rrezikun e një bllokade në kryeqytetin e Xhersit, Saint Helier. Ministrja franceze e ceshtjeve detare deklaroi me heret se Franca do të hakmerret duke I ndërprerë furnizimin me energji elektrike Xhersit, pasi pasi Britania e Madhe I vendosi kushte të reja marrëveshjes së peshkimit për hyrje në ujrat e saj. “Këto kushte qasjeje janë vendosur në mënyrë të njëanshme dhe pa asnjë shpjegim. Një gjë e tillë, është krejtësisht e papranueshme ", deklaroi Annick Girardin. Ishulli i veteqeverisur i Xhersit është një prej Channel Islands, të ndodhur vetëm 14 milje nga brigjet franceze. Edhe pse teknikisht nuk janë pjesë e mbretërisë së bashkuar, këto ishuj janë të varur nga kurora britanike dhe në shkallë ndërkombëtare mbrohen e përfaqësohen prej qeverisë britanike. Por furnizimi i tyre me energji elektrike varet nga një rrjet nenujor kabblosh që vijnë nga Franca. Britania e Madhe njoftoi së fundi se kishte kërkesa të reja lidhur me peshkimin në ujrat përreth ishullit të Xhersit, por kjo nuk u prit mirë nga Parisi zyrtarr që i kujtoi se po imponojnë kritere të cilat nuk i përkasin marrëveshjes se arritur pas Brexitit.